Навивачите на Милан испратија порака до Американците: Одете си дома! (ВИДЕО)

24 мај 2025 - 21:40

Милан вечерва го игра последниот натпревар од сезоната против Монца, а овој дуел е без резултатско значење и за едните и за другите, па така вниманието го привлекоа навивачите на „росонерите“ кои го изразија своето незадоволство од начинот на кој сопствениците го водат клубот.  

На трибините пред почетокот на средбата навивачите е наместија така што испишаа „Go  Home“ и тоа беше јасна порака за нивниот став кон американските газди кои не се прославија.

Милан сезонава не успеа да се избори за место во европските натпреварувања и тоа е дополнителен удар за буџетот за засилувања за следната сезона и поради тоа се бараат промени.

Со евентуална победа денеска Милан најмногу може да дојде до седмата позиција на табелата која не води никаде.