Шок пред плејофот: Јокиќ остана без тренер!

08 април 2025 - 19:56

Денвер нагетс по четирите порази по ред во НБА-лигата донесе шокантна одлука и го избрка тренерот Мајк Мелоун, кој седеше на кормилото на клубот дури 10 години и им донесе историска титула во најсилната кошаркарска лига.

Екипата на Никола Јокиќ се наоѓа во резултатска криза и запиша четири порази по ред, а очигледно тоа предизвика задоволство во редовите на Денвер, кој реши да се раздели со Мелоун.

Информацијата ја објави познатиот новинар Шемс Чаранија, а истата е изненадувачка со оглед на тоа дека оваа одлука доаѓа во самата завршница на регуларниот дел од сезоната.

Мелоун го тренираше Денвер од сезоната 2015/16, а стигна до плејофот на секоја од претходните шест сезони при што ја освои титулата во 2023 година.

ФОТО: EPA PHOTO