Брера по поразот од Вардар остана без тренер, па назначи нов тренер пред - дуелот со Вардар!

08 април 2025 - 16:14

Панче Стојанов е назначен за нов тренер на прволигашот Брера од Струмица, а својот деби натпревар како шеф на стручниот штаб ќе го има веќе утре, кога неговиот тим ќе му гостува на Вардар во полуфиналето од фудбалскиот Куп на Македонија.

Стојанов ја презема функцијата откако неговиот претходник Тони Атанасов си поднесе оставка пред два дена, и тоа по поразот токму од Вардар. Тој досега беше помошник тренер и заедно со Атанасов го водеше тимот низ досегашниот дел од сезоната. Станува збор за 49-годишен стручњак, кој е познато име во македонскиот фудбал. Како фудбалер има настапувано за неколку клубови, меѓу кои Силекс, Беласица, Ренова, Хоризонт Турново и Работнички. Во тренерската кариера има работено со младинските категории на Брера, а во 2018 година го водеше и сениорскиот тим во своето деби во Првата македонска фудбалска лига (ПМФЛ).

Брера Струмица моментално се наоѓа на последната позиција на табелата со 21 бод, еден помалку од Воска и Тиквеш. Главната цел на тимот во продолжението од сезоната ќе биде обезбедување на опстанок во елитата.