Ѓорческа го надополни поразот на Стоилковска, со Норвешка ќе решава мечот во двојки!

Прва од македонските тенисерки денеска на теренот истрча Магдалена Стоилковска која беше поразена со 2-0 во етови од Урике Еикери. Норвежанката беше подобра во текот на целиот меч и дозволи Стоилковска да освои само три гема во првиот сет (6-3) и два во вториот (6-2).

Израмнување за македонија донесе Лина Ѓорческа која беше подобра од Малене Хелго исто така со 2-0 во сетови. Мечот Ѓорческа го започна фуриозно освојувајќи го првиот сет со 6-0, додека вториот го доби со 6-2.

Мечот во двојки во кој Ѓорческа и Стоилковска ќе играат против Еикери и Хелго ќе одлучува која од репрезентациите ќе остане максимална со две победи од првите две кола.