Манчестер јунајтед го има фудбалерот на месецот во Премиер лигата

04 април 2025 - 15:02

Фудбалерот на Манчестер јунајтед Бруно Фернандеш е избран за играч на месецот во Премиер лигата за месец март.

Португалецот признанието го добива по петти пат во кариерата со што се израмни со Вејн Руни и Робин Ван Перси.

Фернандеш на индивидуален план има одличен период бидејќи во изминатиот месец само на еден натпревар во Премиер лигата не успеа да се запише во листата на стрелци.

Освен во Премиер лигата, Фернандеш блескаше и на меѓународна сцена каде што во осминафиналето против Реал Сосиедад постигна хет-трик и така обезбеди за својата екипа пласман помеѓу најдобрите осум во ова натпреварување.

Наградата за тренер на месецот заврши во рацете на Нуно Еспирито Санто од Нотингем Форест кој трет пат сезонава го добива ова признание, а седми пат во кариерата. Нотингем во март славеше победи против Манчестер сити и Ипсвич, додека на табелата тимот е трет со 57 освоени бодови.