Тричковски со петтиот гол сезонава го најави пресвртот на АЕЛ (ВИДЕО)

15 март 2025 - 21:59

Поранешниот македонски репрезентативец Иван Тричковски го одведе својот тим АЕЛ Лимасол до исклучително важна победа во борбата за опстанок во кипарското првенство.

АЕЛ славеше со 2-1 на гостувањето кај Омонија Арадипу и покрај тоа што беше во негатива по првото полувреме. Тричковски во 50. минута го израмни резултатот со удар со глава по центаршут од левата страна, а 20 минути подоцна Зе Турбо му донесе победа на АЕЛ.

За Тричковски ова е петти гол сезонава со што е втор стрелец на АЕЛ во кипарското првенство. АЕЛ сега има пет бода повеќе од првата екипа што се наоѓа во зоната за испаѓање.