Јапонците во македонското првенство ги сменија клубовите

14 јануари 2025 - 18:15

Двајцата јапонски интернационалци кои настапуваат во македонското првенство, во пролетниот дел од сезоната ќе играат за други екипи.

Масааки Такахара е нов играч на Пелистер, а доаѓа од тимот на Струга чиј дрес го носеше досега. За стружани сезонава одигра 11 натпревари со вкупно 228 минути и на нив оствари една асистенција, исто како и во квалификациите за Лигата на шампионите.

Нов клуб има и Јумеми Канда кој во вториот дел од првенството ќе игра за Беса каде заминува од тимот на Шкупи. На 17 натпревари, тој одигра вкупно 817 минути и постигна три гола и една асистенција.