Ѓорческа со пресврт-победа дојде до четвртфинале на турнир во Италија!

27 ноември 2024 - 15:17

Најдобрата македонска тенисерка, Лина Ѓорческа, се пласира меѓу најдобрите осум на турнирот во Селва Гардена (Италија), откако денеска ја совлада Американката Амарни Бенкс и тоа со пресврт со 2-1 во сетови.

Бенкс е 30 позиции подобро рангирана на ВТА листата, но и покрај тоа Македонката успеа да го надмине првиот сет кој го загуби со 5-7 и да ги освои следните два со 6-3 и 6-2.

Ѓорческа во четвртфиналето ќе се соочи со уште една Американка и тоа Тајра Катерина Грант, која се наоѓа на 916. место на ВТА листата.