Фудбалерот на Ливерпул ги „откачи“ Србите: Јас сум Шпанец!

Младиот фудбалер кој е роден во Виго во интервју за „Марка“ јасно стави до знаење дека Шпанија е негов избор кога во прашање е репрезентативниот фудбал.

„Роден сум во Шпанија, растев во Шпанија, семејството ми е во Шпанија и се чувствувам како Шпанец. Горд сум што ја претставувам Шпанија“, изјави Бајчетиќ.

Бајчетиќ во овој момент е под договор со Ливерпул, но настапува како позајмен фудбалер во Сацбург. Тој беше откриен од Клоп минатата сезона, одигра и неколку натпревари за првиот тим, меѓутоа подоцна Ливерпул го испрати на позајмица.

Досега тој настапуваше само за младите селекции на „Фуријата“, а инаку е син на поранешниот фудбалер, Срѓан Бајчетиќ.