Состав: Милевски со Миовски и Трајковски ќе ја нападне Летонија (ФОТО)

14 ноември 2024 - 18:26

Селекторот Благоја Милевски ги одбра стартните 11 за вечерашниот натпревар против Летонија од Лигата на нации кој започнува од 20:45 часот.

Македонија ќе излезе со офанзивен состав, најистурен во нападот ќе биде Бојан Миовски, а веднаш зад него Александар Трајковски, по страните ќе напаѓаат Елиф Елмас и Дарко Чурлинов.

Во средниот ред ќе бидат капитенот Барди и Алими, а на бековските позиции се Алиоски и Димоски. Во централниот дел од дефанзивата ќе играат Зајков и Серафимов, на голот стандардно е Димитриевски.