Лудило во Амстердам: Претепани навивачи на Макаби (ВИДЕО)

08 ноември 2024 - 08:58

Навивачи на Макаби Тел Авив синоќа „упаднале во заседа и се нападнати во Амстердам“ по натпреварот на нивниот тим против Ајакс, во рамките на Лигата Европа.

Министерот за надворешни работи на Израел, Гидеон Саар изјави дека 10 израелски државјани се повреди и им советуваше на сите жители на оваа држава кои се во Амстердам да останат во своите хотели. Премиерот на Израел, Бенјамин Нетанјаху рече дека се работи за сериозен инцидент и нареди испраќање два авиона за евакуација на израелските државјани.

 

 

„Израелските одбранбени сили се подготвуваат да распоредат спасувачка мисија во координација со холандската влада. Мисијата ќе биде изведена со користење товарни авиони и тие ќе вклучуваат медицински и спасувачки тимови“, соопшти Нетанјаху.

 

 

Полицијата во Амстердам досега уапси околу 30 лица кои се сомничат за нападите, а засилени беа и контролите на возилата. Своја вина инцидентите имаат и израелските навивачи кои во текот на денот кинеа и палеа палестински знамиња низ улиците на Амстердам и со тоа дополнително ја вжештија атмосферата во градот каде што муслиманската заедница е голема.