Фудбалското лудило зеде нова жртва: Навивач на Арсенал уби навивач на Јунајтед

31 октомври 2024 - 09:23

Премиерлигашкиот фудбал и претераното славје скапо го чинеа еден жител на Уганда, по сопствено признание навивач на Манчестер Јунајтед.

Додека во неделата играа Арсенал и Ливерпул, тој бурно го прославил израмнувачкиот гол што го постигна Мохамед Салах. Станува збор за извесен Бенџамин Окело кој го следел мечот на јавно место, а при еуфоријата, фрлил пуканки в лице на фан на Арсенал што се нашол во истиот објект.

Тоа предизвикало револт кај навивачот на „топчиите“ кој потоа го удрил Окело со тврд предмет, а овој подоцна починал од тешките повреди. Ова не е прв ваков случај, особено на африканскиот континент каде, очигледно, фудбалот се сфаќа премногу сериозно.