Клоштад го изненади Алборг, Загреб немоќен против Магдебург

30 октомври 2024 - 21:08

Ракометарите на Клоштад приредија изненадување и во ракометната Лига на шампионите го совладаа Алборг со 25-24 во рамките од седмото коло.

Скандинавското дерби донесе израмент натпревар во кој на крајот нијанси го одлучуваа победникот.

На голот на победничкиот тим одличен беше Бергеруд со 15 одбрани, додека Сондена со шест гола беше најефикасен. Во редовите на Алборг Томас Арнолдсен постигна седум гола.

Во останатите натпревари ПИК Сегед во уште еден интересен и неизвесен натпревар го совлада Кјелце со 28-27, додека Магдебург дома беше убедлив против ППД Загреб со 36-24.