На Артета му се стемни: Сака си замина повреден од натпреварот против Грција
Крилото на Арсенал принудно беше заменет во 51. минута поради повреда на задната ложа и на негово место во игра влезе Нони Мадуеке. И англискиот селектор Ли Карсли по мечот призна дека Сака е повреден.
„При акцијата за првиот гол на Грција, можеше да се забележи дека почувствува нешто на ногата и потоа побара замена“, рече Карсли.
Повредата на Сака е голем проблем и за Арсенал бидејќи сега е неизвесен неговиот настап на дуелот од следното коло против Борнмут, а не е исклучено и да паузира подолг период.