Легенда на Црвена Звезда остана без возачка дозвола поради возење во алкохолизирана состојба

27 мај 2024 - 12:51

Поранешниот фудбалер на Црвена Звезда и романски репрезентативец Миодраг Белодедиќ бил приведен во Букурешт откако полицијата го фатила како вози во под дејство на алкохол.

Веста ја објавија медиумите во Романија, а ја потврди Белодедиќ кој призна дека пиел пред да седне зад воланот.

„Ме запреа кога излегов од ресторан, од забава. Си заминав по 3 часот, тргнаа по мене и ме запреа. Ме бркаа со полициски автомобил со ротација, околу 100 метри. Навистина испив два пијалока со другарите, а на тестирањето излезе дека имам 0,08 промили алкохол во кртва. Се разбира, тоа е прекршок и ми ја зедоа дозволата на 90 дена“, откри Белодедиќ.

Во својата играчка кариера, тој освои две титули во поранешниот Куп на европски шампиони, по една со Стеауа и Црвена Звезда.