Крос ја завршува кариерата, ама нема да си оди од Реал

23 мај 2024 - 17:12

Германскиот интернационалец Тони Крос ги изненади сите во Реал Мадрид со својата објава дека ја завршува кариерата по Европското првенство претстојното лето.

Тоа беше изненадување и за претседателот Флорентино Перез кој, сепак, брзо излезе од шокот и веќе му понудил на Крос да остане во клубот. Наводно, на Германецот му е понудено да стане спортски директор на Реал бидејќи Перез верува дека тој може квалитетно да одговори на таа функција.

Засега нема одговор од Крос дали ќе ја прифати понудата, но веројатно на таа тема ќе размислува по Европското првенство.