Ленс му пресуди на Анже и направи чекор напред кон ЛШ

18 март 2023 - 22:52

Фудбалерите на Ленс беа подобри од Анже со 3-0 во 28. коло од француската Лига 1 и така направија чекор напред кон пласман во Лигата на шампиони (ЛШ).

Фофана во 26. минута го отвори резултатот, а само четири минути подоцна Опенда стрелаше за водство од 2-0 на Ленс, додека истиот фудбалер на стартот на вториот дел погоди за триумф од 3-0.

Ленс има 57 бодови на втората позиција, па така зад себе го остави Марсеј со 56 бода, додека лидер во Лига 1 е ПСЖ со 66 бодови.