Новиот селектор ќе дебитира на Илинден

17 јуни 2025 - 13:02

Македонската кошаркарска репрезентација веќе планира неколку пријателски натпревари за време на подготовките, но со оглед на тоа што ФИБА ги смета само официјалните дуели, Марјан Илиевски ќе дебитира на клупата на националниот тим на стартот од претквалификациите за Светското првенство во 2027 година.

Тоа значи дека својот прв натпревар како селектор ќе го има на Илинден, на 2 август во Куманово против Романија. Македонија ја очекува тежок претквалификациски циклус, во групата е уште Унгарија, а пласман во главните квалификации обезбедуваат првопласираните две на табелата.

Наскоро треба да биде објавен и списокот на кошаркари на кои ќе смета Илиевски за својата прва акција, а подготовките е планирано да стартуваат на почетокот на јули.