Јончевски кариерата ќе ја продолжи во најтрофејниот тим во Полска!

Во клубот Јончевски пристигнува на местото на Србинот Миодраг Рајковиќ.

„Миодраг Рајковиќ повеќе не е тренер на кошаркарите на Шласк Вроцлав. Договорот е раскинат со взаемна согланост“, стои во соопштението во кое клубот му се заблагодарува на српскиот стратег за освоениот бронзен медал и полскиот Суперкуп.

Јончевски во кариерата покрај селекторската позиција во Македонија ги предводеше: МЗТ Скопје, Спартак Суботица, Кожуф и Башкими Призрен.

Во минатото Јончевски беше и помошник Емил Рајковиќ кој исто така работеше во оваа земја, а сега во Полска во тимот на Арка работи и Никола Василев кој ја има и улогата на помошник на Јончевски во репрезентацијата.