Залетаниот МЗТ против ривал од кого ретко губи брка „два од два“ во АБА2!
Аеродромци одиграа фантастично во завчерашниот прв дуел против Младост Земун (97-90), кој важи за еден од главните фаворити за највисок пласман, поради што како голем фаворит влегуваат во вечерашната пресметка. Згора на тоа, на нивна страна е и традицијата, со оглед што имаа три победи во досега одиграните четири меча против денешниот противник.
Од сино-белиот табор најавуваат нова агресивна партија, со многу трчање и трансформации и користење на квалитетната центарска линија, но и на прецизниот шут, во што пред два дена блескаше Дамјан Робев со 30 поени и со шест тројки со само едно промашување. Тимот е комплетен, без повреди, што е добар знак за тренерот Дарко Радуловиќ да може да го излезече максимумот од сите во обидот вторпат по ред да ги израдуваат своите навивачи.