Србија пресилна за Кина - ќе игра четвртфинале на ЛОИ во Париз!

31 јули 2024 - 16:00

Кошаркарките на Србија се пласираа во четвртфинале на Летните олимписки игри (ЛОИ) откако триумфираа во второто коло од групата А со 81-59 против Кина.

Кина парираше во првото полувреме во кое имаше негатива од шест поени, но како минуваше времето во вториот дел сè повеќе растеше разликата и на крајот Србија триумфира со 81-59.

Најефикасна во победничкиот тим беше Андерсон со 15 поени, додека Сију Ванг запиша 11 поени за Кина.