Нова, побогата понуда од Дубаи за влез во АБА - 4,5 милиони долари

13 февруари 2024 - 08:49

Многу брзо треба да биде извесна судбината на проектот од Дубаи од каде во иднина, една екипа треба да се натпреварува во АБА и во Евролигата.

За европското натпреварување уште има несогласувања и поверојатно е тим од Дубаи да влезе таму во 2025 година, додека што се однесува до АБА, проектот може да добие зелено светло веќе претстојната сезона. Во таа насока е и новата, побогата понуда што е испратена од Обединетите Арапски Емирати, а која изнесува 4,5 милиони долари во следните три сезони.

Во однос на првата понуда, сумата по сезона е иста (1,5 милион долари), но таа беше за две, а новата е за три години, а постои опција, соработката да продолжи и по истекот, односно да биде продолжена на пет години.

За Дубаи да влезе во АБА, потребна е согласност од Собраните на лигата и според статутот, само едногласна одлука може да ја отвори вратата на регионалната лига за овој проект.