На потег е КФМ: Настапот на вечните ривали во АБА2 ќе направи „хаос“ во Првата лига!
Второто по квалитет регионално натпреварување почнува на 9 ноември што значи дека во поголем дел од следниот месец двете најсилни македонски екипи нема да бидат достапни за играње на домашна сцена. Ова воедно значи дека дваесетина дена нема да бидат достапни за настап во Првата лига, што значи по две одложени средби во најмалку три кола по ред.
Од КФМ најавија дека ќе им излезат во пресрет на вечните ривали при нивниот настап во АБА2-лигата, поради што не се очекуваат проблеми при пролонгирањето на средбите на МЗТ Скопје и Работнички, што ќе биде задача за комесарот Сречко Хорват.