Хезоња како Касандра: По многу драма и пресврти реши да остане во Реал Мадрид!

17 јуни 2024 - 09:17

Кога шпанската „Марка“ среде ЕП во фудбал става кошаркарски трансфер како главна вест, тоа дефинитивно мора да биде вистинска „бомба“, а тоа е дека Марио Хезоња решил да остане во Реал Мадрид и го продолжи договорот со овој тим.

Ова значи дека сагата е завршена и дека хрватскиот репрезентативец нема да ги засили Барселона, Панатинаикос или Партизан, но и дека нема да се обиде повторно во НБА лигата. На Барса не ѝ се допадна неговото однесување, односно изјави по освојувањето на шампионската титула во Шпанија, а сето тоа резултираше со поништен договор.

Хезоња сакаше да ги реши сите дилеми пред почетокот на квалификациите за Олимписките игри, бидејќи има обврски со националниот тим и по новиот договор со „кралевите“ може мирно да ѝ се посвети на хрватската репрезентација.