Чесите ја демолираа Грција за место на ОИ во Токио

05 јули 2021 - 09:21

Кошаркарската репрезентација на Чешка обезбеди олимписка виза за Токио откако синоќа во финалето на квалификацискиот турнир славеше против Грција со 97-72.

Чесите до првиот пласман на Олимписките игри (ОИ) ги предводеше Патрик Ауд со 20 поени, додека Јан Весели имаше 16 поени, девет скокови и пет асистенции.

Во поразениот тим најдобар беше Јоргос Папајанис со 14 поени, но тоа не ѝ беше доволно на Грција да се спаси од убедлив пораз.

Чешка на ОИ во Токио ќе се натпреварува во групата А, каде што се уште и репрезентациите на САД, Франција и Иран.

Во групата Б се Австрија, Германија, Италија и Нигерија, додека во групата Ц се Аргентина, Јапонија, Шпанија и Словенија.