Оклахома со +49 во полуфиналето, крај за Дончиќ и Леброн (ВИДЕО)

Најдобриот тим во лигата, Тандерсе најде меѓу четирите најдобри откако во натпревар во кој доминираа во текот на сите 48 минути, го победи Феникс со 49 разлика (138-89), демонстрирајќи ја уште еднаш својата моќ. Најголемата предност што ја имаа во натпреварот беше +53.

Во шеснаесеттата победа во низа на Тандер, Шеј Гилџес-Александер покажа најмногу со 28 поени (11/15 шут) и осум асистенции, Чет Холмгрен заврши со 24 поени (9/13 шут) и осум скока, а најдобар стрелец на Санс беше Дилон Брукс со 16 поени.

Стефон Касл постигна 21 од своите 30 поени во второто полувреме, а Диерон Фокс додаде 20 поени во победата на Сан Антонио Спарс од 132-119 над Лејкерс. Лука Дончиќ постигна 35 поени, имаше пет скока и осум асистенции, а Леброн Џејмс реализира 19 поени, 15 скока и осум асистенции за Лејкерс, кои го претрпеа само третиот пораз во последните 12 натпревари. Виктор Вембанјаама го пропушти својот 12-ти натпревар по ред поради повреда на листот, но и без него, тимот од Тексас беше убедлив на ноќешниот натпревар.

Лејкерс го освоија првиот НБА Куп во 2023 година и сезонава поминаа низ групната фаза непоразени оваа есен пред да се сретнат со Спарс.

Натпреварувањето сега се сели во Лас Вегас, каде што Оклахома Сити ќе игра против Спарс, а Орландо Меџик ќе се сретне со Њујорк Никс. Финалето е закажано за вторник.