Најголемиот кошаркарски талент во САД се повреди на најбизарен можен начин! (ВИДЕО)

21 февруари 2019 - 10:38

Американскиот кошаркар Зион Вилијамсон кој важи за еден од најталентираните играчи на светот, доживеа повреда на коленото во вчерашното дерби во НЦАА лигата помеѓу Дјук и Северна Каролина. 

Ѕвездата на НЦАА лигата, 18 годишниот Вилијамсон по нецела минута играње, направи мал исчекор и одеднаш му пукна патиката, се лизна и го повреди коленото. „Кошаркарското чудовиште“ како што го нарекуваат поради висината од 201 сантиметар и тежината од 130 килограми, веднаш го напушти паркетот. Првичните проценки се дека не е ништо посериозно и дека се работи само за истегнување. 

Вилијамсон оваа сезона во НЦАА лигата бележи по 22.4 поени по натпревар, а е прокетиран како прв пик на овогодинешниот НБА драфт.