Дончиќ оствари трипл-дабл во поразот на Лејкерс, но со – скандалозно лош шут (ВИДЕО)

11 март 2025 - 08:38

Кошаркарите на Бруклин нетс ја совладаа екипата на ЛА Лејкерс (111-108) во натпревар одигран ноќеска во НБА лигата, во кој поразениот тим настапи без својата најголема ѕвезда, Леброн Џејмс.

Лука Дончиќ средбата ја заврши со трипл-дабл со 22 поени, 12 скокови и 12 асистенции, но неговата ефикасност беше речиси скандалозна бидејќи шутираше со едвај 30-отстотна прецизност (8/26 од игра). Натпреварот започна одлично за Лејкерси, кои ја добија првата четвртина со 28-16, но „мрежичките“ брзо ја презедоа контролата и на полувремето веќе водеа со еден поен разлика. Во третата четвртина се водеше изедначена битка, но Бруклин во завршницата успеа да ја задржи предноста, иако не успеа значително да се одлепи.

Словенецот на 11 секунди до крајот погоди тројка и ја намали разликата на само два поени, но по тајм-аутот, Ное Клауни со погодок под фаул ја запечати победата на Бруклин. Токму тој беше најдобар поединец кај победничкиот тим со 19 поени, додека Кам Џонсон и Кијон Џонсон постигнаа по 18. Кај Лејкерси, најефикасен беше Гејб Винсент со 24 поени, додека Далтон Кнект запиша 19, а Гудвин и Ривс по 17 поени.