Атланта и Хјустон ќе се борат за трофејот во НБА купот (ВИДЕО)

Атланта ноќеска во Медисон Сквер Гарден беше подобра од Њујорк со 108-100 и во полуфиналето во Лас Вегас ќе се сретне со Милвоки. Никс водеа со 62-52 во третата четвртина по што следуваше голем пресврт, Атланта направи 31-10 и на почетокот од последниот квартал имаше 83-72 во своја корист. Подоцна предноста се искачи на 14 разлика и Њујорк воопшто не дојде во можност да дојде до победа.

Хантер со 24 поени ги предводеше Хоукс, Јанг постигна 22 поена и 11 асистенции, а Џонсон додаде 21 поен, 15 скока и 7 асистенции. Харт беше прв стрелец на Њујорк со 21 поен, но за Никс недоволни беа и 19 поени и 19 скока на Карл Ентони Таунс.

Во вториот четвртфинален меч, Хјустон на драматичен начин го победи Голден Стејт со 91-90 иако на 80 секунди пред крајот Вориорс водеа со 90-84. Следуваше промашена тројка на Кари, загубени топка на Пејтон и фаул од Куминга, па Џејлен Грин на три секунди пред крајот стави точка на фантастичниот пресврт на Хјустон. Поџемски во последниот напад беше изблокиран и домаќините се израдуваа на победата.

Тренерот на Хјустон искористи само осум кошаркари на овој меч, најдобар беше Шенѓун со 26 поени и 11 скока, а Куминга го предводеше Голден Стејт со 20 поени.