„Навивачите на Црвена Звезда се најголемиот срам за Евролигата!“

09 март 2023 - 13:40

Кошаркарите на Ефес Пилсен минаа како „боси по трња“ на синоќешното гостување кај Црвена Звезда (75-94), меч во кој тренерот на турскиот тим, Ергин Атаман, беше жестоко навредуван од домашните навивачи.

Тој беше напаѓан првенствено поради лошото минато со српските тимови и репрезентација, но и поради кавгите со судиите во текот на сите 40 минути По средбата, Атаман ги нападна популарните „Делии“.

„Додека бев во Белград сфатив колку добра атмосфера прават нашите навивачи и колку добро се однесуваат за разлика од другите. Навредите кои ги добивав од фановите на Ц. Звезда за време на целиот меч во Белград се срам за спортот и за целата организација што стои зад Евролигата“, изјави Атаман.

Турскиот тренер имаше контроверзни изјави против Србите додека беше тренер на Галатасарај, а како селектор на Турција имаше конфликт со српскиот предводник, Светислав Пешиќ, за време на квалификацискиот меч за Мундобаскетот.