Македонски кошаркар ги избра најдобрите навивачи – Грците му се пред Делии и Гробари!

Американецот со наш пасош доби задача да ги рангира најгласните и најимпресивните навивачи против кои играл од почетокот на сезоната, а во својот избор вклучи четири клубови. Тој на четвртото место го стави Жалгирис, а на третата позиција Фенербахче. Посебно се осврна на дуелот со турскиот клуб, истакнувајќи дека атмосферата била напната, а публиката постојано вршела притисок врз судиите.

„Тоа беше вистинска битка до самиот крај. По мечот дури му испратив порака на еден од нивните кошаркари за да му кажам дека за првпат слушнав навивачи како ми го скандираат името и ми упатуваат коментари. Неочекувано искуство, бидејќи обично тоа не се случува“, откри Шортс.

На второто место ја издвои Црвена звезда, потенцирајќи дека атмосферата во „Штарк арената“ не била во полн ек кога играле против Партизан, но дека мечот со Звезда бил сосема поинакво искуство.

„Кога излеговме на загревање, трибините веќе беа во транс. Се завртев околу себе и си помислив: ‘Ова е нешто поинакво, сосема различно’“, изјави американскиот плејмејкер.

На врвот на неговата листа се најде Панатинаикос.

„Салата беше реновирана, изгледаше модерно и чисто. Не сум најголем фан на ЛЕД-паркетот, но кога почна натпреварот, тоа веднаш го заборавив. Навивачите беа неверојатни, особено во завршницата. Беше вистинска лудница!“, заврши Шортс.