Американецот Вилсон е најново засилување на Пелистер

10 септември 2025 - 14:36

Македонскиот прволигаш Пелистер денеска промовира уште еден Американец, откако потпиша договор со центарот Ленгстон Вилсон.

Вилсон е висок 210 сантиметри и треба да биде голема помош за битолчани под обрачите. Тој минатата сезона играше за Бодрумспор во Турција, а претходно настапуваше и во НЦАА-лигата за Вашингтон и Милвоки.

Американскиот центар во Бодрумспор имаше просек од 10,3 поени и 6,8 скокови по натпревар.

Пелистер претходно се засили со Никола Малешевиќ, Џордан Скипер-Браун, Остин Прајс, Си-Џеј Вилсон и со Брејси Дејвис.