Ферстапен на пол-позицијата на Големата награда на Јапонија

05 април 2025 - 09:35

Актуелниот светски шампион Макс Ферстапен ќе стартува од првото место на трката за Големата награда на Јапонија која ќе се вози утре на патеката Сузука.

Тој ги изненади пилотите на Мекларен и дојде до првата пол-позиција оваа сезона, а четврта по ред во Јапонија. Првото место го освои со кругот кој го помина со време од 1:26,983 што е рекорд на патеката.

На второто место, со самоа 0.012 секунди за Холанѓанецот заврши лидерот во генералниот пласман Ландо Норис, додека на третото место е Оскар Пјастри. Во топ-10 се уште Леклер, Расел, Антонели, Хаџар, Хамилтон, Албон и Берман.

Ферстапен уште ја чека првата победа оваа сезона откако во Австралија го освои второто, а во Кина четвртото место. Со 36 бода, тој во моментов е на втората позиција во генералниот пласман, зад Норис кој има 44.