Четврта пол-позиција по ред за Бањаја, ужас за лидерот Квартараро

23 октомври 2021 - 16:30

Мотоциклистот на Дукати, Франческо Бањаја ќе стартува од првото место на утрешната трка за Големата награда на Емилија Ромања во Мизано. 

Италијанецот до својата четврта пол-позиција по ред  дојде со време од 1:33,045 минути. Во првиот стартен ред друштво ќе му прават уште два мотоцикли на Дукати и тоа тимскиот колега Џек Милер, а тука е и Лука Марини.

Потоа следуваат Пол Еспаргаро, Мигел Оливеира, Франко Морбидели, Марк Маркез, Икер Леукона и Данило Петручи. Лидерот во генералниот пласман Фабио Квартараро тркта ќе ја почне од 15.место.