Алонсо нема дилема: Ферстапен ќе биде шампион и мора да се помириме со тоа!

25 февруари 2024 - 12:00

Најбрзиот „циркус“ во светот повторно се враќа на програмата од следната недела, кога се вози трката за Големата награда на Бахреин, а најголеми шанси за шампионската титула има возачот на Ред Бул, Макс Ферстапен.

По тестовите во Бахреин, поранешниот светски шампион и возач на Астон Мартин, Фернандо Алонсо кажа дека Ферстапен ќе ја одбрани титулата во Формула 1.

„Макс е светски шампион, а Ред Бул доминира во спортот. Концептот кој го претставија оваа година е изненадување. Ова е брутален спорт, дури 19 возачи во моментов мислат дека Ферстапен ќе биде шампион и мора да се помириме со тоа“, кажа Алонсо.

Ред Бул минатата сезона беше доминантен во спортот и возачите на екипата славеа на дури 21 од 22 трки.