Шансите на Реал да стигне до полуфиналето се - 4%

09 април 2025 - 11:44

По синоќешните први четвртфинални натпревари од Лигата на шампионите, компанијата Опта која се занимава со спортска статистика, ги изнесе податоците во врска со шансите на екипите за пласман во следната фаза.

Очекувано, до моментов, Реал има најмали изгледи да се најде меѓу четирите најдобри во елитното натпреварување. Мадридскиот тим синоќа доживеа дебакл од Арсенал во Лондон со 0-3 и сега шансите за место во полуфиналето му изнесуваат мизерни 4%. Се разбира дека тоа не мора ништо да значи бидејќи Реал и во минатото знаел да се извлече од тешки ситуации.

Арсенал не само што има 96% шанси за пласман во полуфиналето, туку во моментов е и најголем фаворит за титулата во Лигата на шампионите, со 28%.