Посебен ден за „Специјалниот“: Мурињо вечерва ќе собори уште еден рекорд во ЛШ

26 ноември 2019 - 20:36

Португалскиот стручњак Жозе Мурињо вечерва ќе стане првиот менаџер кој предводел три различни тимови од Премиер лигата во Лигата на шампиони.

Мурињо во Лигата на шампионите го предводеше Челси и Манчестер Јунајтед, а вечерва ќе биде на клупата на Тотнем, тим кој ќе го пречека Олимпијакос.

Мурињо пред една недела го презеде клубот од северен Лондон, а своето деби го имаше викендов на гостувањето против Вест Хем, кој го добија „петлите“ со 2-3.

Инаку, Португалецот ја освои Лигата на шампионите во сезоната 2003/04 со Порто и во 2009/10 со Интер, додека со Манчестер Јунајтед ја освои Лигата на Европа во сезоната 2016/17.