Порто остана без планираните 44 милиони евра

Вчерашниот пораз од Краснодар во реваншот од третото квалификациското коло во ЛШ (2-3) значеше и неможност да се избори место во елитното натпреварување, а тоа ќе го чини клубот минус 44 милиони евра, пишува португалска „А Бола“. Оваа сума беше планирана за Порто, ако се има во предвид дека имаа предност по првиот дуел во Русија со 0-1.

Во оваа сума влегуваат фиксниот надомест за учество во групната фаза на турнир, бонус за успех во Европа во последните десет години, како и пари од ТВ права и реклами.

Се забележува дека поради елиминацијата на клубот од Лигата на шампиони, Бенфика која е главен конкурент на Порто во борбата за врвот во португалскиот шампионат, ќе стане побогата. Ова се должи на фактот дека кога два клуба од иста земја играат во Лигата на шампионите, приходите од радиодифузија се поделени во сооднос 55% наспроти 45% во корист на шампионот. Сега сите 100 проценти од средствата ќе одат кај Бенфика.