Лудница во ЛШ: Барса го здроби Галатасарај, Интер се посрамоти, а Баерн киксна кај Викинг!

13 октомври 2026 - 22:58

Вечерва беа одиграни неколку натпревари во второто коло од групната фаза во Лигата на шампиони (ЛШ), а истите ни донесоа неколку изненадувања. Интер беше поразен на домашен терен од Клуб Бриж со 3-4, додека Баерн ремизира на незгодното гостување кај Викинг (3-3), додека Барселона го здроби Галатасарај со 4-1.

Барселона тргна лошо против Галатасарај и губеше од 28. минута кога Батраков ја затресе мрежата на гостите. Домашниот тим погоди уште еднаш преку Јилмаз, но ВАР го поништи голот поради офсајд.

Каталонскиот гигант се врати до крајот на првиот дел со погодокот на Кансело (1-1), додека во вториот дел режираше пресврт со головите на Фермин Лопез, Гордон и Адејеми.

Баерн Минхен имаше кошмарен старт во Норвешка, откако Викинг со головите на Стенснес и Кристијансен водеше со 2-0 на полувреме.

Германскиот шампион почна да се буду во вториот дел и со два погодоци на Кејн и еден на Дијаз направи целосен пресврт. Сепак, Олисе направи голема глупост во 73. минута и беше исклучен, а потоа Хоген во 90. минута погоди за 3-3.

Клуб Бриж изненади во Милано и поведе со голот на Тресолди во 30. минута од пенал, додека Мартинез на истекот на првиот дел погоди за 1-1.

Гостите повторно преку Тресолди поведоа со 2-1, а истиот фудбалер во 74. минута комплетираше хет-трик.

Мартинез ја врати надежта на домаќините во 81. минута со гол за 2-3, но гостите повторно стигнаа до плус два преку Вермант, додека во завршницата Бони ги постави конечните 3-4.

Останати резултати:

Арсенал – Лил 3-0
Атлетико Мадрид – Манчестер јунајтед 2-0
Лајпциг – ПСВ 1-0
Виљареал – Наполи 3-1

Фото: Facebook/FC Barcelona