Ингебридтсен: Не победивме лесно, но завршивме добра работа!

28 септември 2017 - 21:36

Тренерот на Розебнорг, Каре Ингебритсен изјави дека е среќен за победата вечерва на неговиот Розенборг против македонскиот шампион Вардар (3-1), но потенцира дека тие не стигнале лесно до триумфот, иако победија со два гола разлика.

Ингебритсен не пропушти шанса да го пофали „лордот“ Никлас Бендтнер, кој со изнуден пенал и гол од белата точка и една асистенција го предводеше Розенборг до победата.

„Добри сме, го контролиравме мечот и ова е добро постигнување за нас. Не победивме лесно, но завршивме добра работа. Играчите треба да бидат почестени. Никлас е фантастичен фудбалер, кој е во добра форма и ужива во фудбалот. Денеска имавме играчи кои покажаа дека сме во добра форма“, рече Ингебритсен, веднаш по мечот.