Донесена е одлука, репрезентациите на ЕВРО 2024 ќе имаат по 26 играчи!

23 април 2024 - 13:14

Според „Скај Спортс“, вчера била изгласана одлука од страна на делегатите на УЕФА да има проширување на репрезентациите за време на Европското првенство од 23 на 26 фудбалери.

Од неодамна се појави информација дека се актуелизира идејата за проширување на репрезентациите за Европското првенство, сега е почната реализација на ова.

Првиот чекор е направен, одлуката е изгласна од страна на делегатите. Во наредните денови се очекува извршниот комитет на УЕФА да ја ратификува одлуката и таа да стане и официјална.

УЕФА и за минатото Европско првенство донесе одлука за проширување на составите на 26 фудбалери. Тогаш таа мерка беше поттикната од пандемијата со ковид-19. Сега се очекува ова да стане пермаментно правил кое ќе важи и за сите идни Европски првенства.