Човекот кој ќе го однесе Косово на СП ќе добие - луксузен стан!

31 март 2026 - 13:29

Косово вечерва ќе се бори против Турција во Истанбул за место на Светското првенство (СП), а пред вечерашниот дуел пристигна дополнителна мотивација за фудбалерите на нашиот сосед.

Властите во Косово веќе ги наградија фудбалерите со 500.000 евра за пласманот во финалето на баражот за СП, а ќе им поделат и дополнителен милион, но се подготвува награда и за стрелецот на евентуалниот победнички гол.

Фудбалерот кој ќе го постигне победничкиот погодок против Турција ќе добие луксузен стан во Призрен, а тоа треба да биде дополнителна мотивација за играчите на Косово.

Натпреварот меѓу Турција и Косово се игра вечерва од 20.45 часот во Истанбул.

Фото: Football Federation of Kosovo