Бизарно: Шкендија за плејофот во ЛЕ ги доби истите можни ривали како и во ЛШ!

04 август 2025 - 13:21

Македонскиот фудбалски шампион Шкендија ќе игра против поразениот од двомечот помеѓу Лудогорец и Ференцварош во плејофот за пласман во групната фаза од Лигата на Европа, доколку претходно биде елиминиран од Карабах во третото квалификациско коло од Лигата на шампионите.

Натпреварите од плејофот во Лига Европа се закажани за 21 и 28 август. Првиот дуел Шкендија ќе го игра на домашен терен во Скопје, додека реваншот ќе биде на гости.

Ова е по малку бизарна ситуција бидејќи тетовци и во случај да го елиминираат Карабах би ги имале истите можни ривали, односно во таа ситуација би играле со победникот од пресметката помеѓу тимовите од Бугарија и Унгарија за историски пласман во лигашкиот дел од ЛШ.