Фото на денот: Фудбалот конечно го победи Ковид-19 во Вухан (ФОТО)
Третолигашот Вухан Три Таунс е првиот кој успеа во жариштето на епидемијата да се врати во нормален фудбалски ритам, но психолошкиот проблем и физичката неподготвеност сега се очигледни кај тимот кој два месеци помина во страшна изолација.
„Два месеци бевме во изолација, бевме во невиден страв, не знаевме што ќе се случи. Сите бевме загрижени за нас, за семејствата, се плашевме дали и ние ќе се заразевме“, вели Ју Чен, помошен тренер во клубот.
После повеќе од два месеци откако градот беше ставен во тотален карантин, состојбата се нормализира, откако бројот на новозаболени во жариштето во провинцијата Хубеј стигна до едноцифрена бројка.
„Сега состојбата во Вухан и провинцијата Хубеј се нормализира, луѓето се враќаат на работа, фудбалерите полека се враќаат во ритам“, додава Чен.
За среќа никој од овој тим не е заразен, а прволигашот од овој град допрва ќе сочека на враќање на терените. Прволигашот од избувнувањето на епидемијата беше во Шпанија на продолжени подготовки, па од Пиринеите избега откако алармантно се рашири Ковид-19, но сега е во 14-дневен карантин додека тестовите не покажат дека секој од 30-те члена е негативен на вирусот.
Football in much of the world has stopped because of the #coronavirus but few clubs have faced the disruption and anxiety suffered by Wuhan Three Towns FC in the epicentre of the pandemic.
— AFP Sport (@AFP_Sport) March 20, 2020
Story by @pstebbings
https://t.co/5cBs1FDOOL pic.twitter.com/KQq5eIJcNx