Финалето на СП 2026 во Њујорк
ФИФА објави дека во последниот квартал од оваа година треба да бидат познати 16-те градови домаќини на СП 2026 и во моментов има 23 градови кои се кандидати за организација на најголемиот фудбалски настан, но седум од нив во следните шест до осум месеци ќе отпаднат.
Веќе е познато дека десет градови од САД ќе бидат домаќини, а по три од Мексико и Канада, а сега изборот на градови домаќини малку се одолговлекува поради лошата ситуација со пандемијата со коронавирус, но најавено е дека до јули годинава би требало сѐ да биде познато, а ФИФА на својот Совет во последниот квартал од годинава да ги потврди сите градови домаќини.
Првото СП со 48 селекции ќе донесе севкупно 80 мечеви, од кои 60 ќе се играат во САД, а по десет во Мексико и Канада. Засега не е познато кој град би бил домаќин на отворањето на овој Мундијал.
Идната година Катар ќе биде домаќин на СП, последно првенство со 32 земји учеснички.