ФИФА од 2021 година воведува ново Светско клупско првенство со 24 учесници

Светската куќа на фудбалот планира за две години да почне ново Светско клупско првенство на кое ќе учествуваат дури 24 тимови. Сегашниот формат каде се натпреваруваат победниците од сите континенти и плус еден клуб од земјата домаќин ќе замине во историјата.

Планот е Европа да ја претставуваат дури 8 екипи (најверојатно последни четворица победници во Лигата на шампионите и Лигата на Европа), потоа од Јужна Америка би учествуваше шест тимови, од Азија, Африка и Северна Америка по три, додека Океанија ќе има еден претставник. Клубовите ќе бидат поделени во осум групи по три тима, а само победниците ќе продолжат во четвртфиналето.

Светското клупско првенство би требало да се игра кон крајот на јуни, а прв домаќин најверојатно ќе биде Кина.