Данска не ја памети Македонија по добро, еднаш силно ја треснавме во Скопје! (ВИДЕО)

20 ноември 2025 - 13:57

Македонската фудбалска репрезентација денеска ја доби Данска за противник во мундијалскиот бараж, не беа Данците најпосакувани, но исто така се и селекција која сме ја победиле и тоа убедливо во Скопје.

Не така одамна во 2013 годна, Данска гостуваше во Скопје во пријателски натпревар и тоа гостување нема да го памети по добро затоа што Македонија славеше со 3-0.

Македонија фуриозно го почна тој натпревар, Пандев отвори во деветтата минута, Ибраими зголеми на 2-0 во 17-тата и Новески се погрижи за 3-0 во 24. До крајот резултат не се промени.

Сега баражот со Данска е закажан за на 26 март и ќе го играме на гостински терен. Со Данците имаме одиграно и уште два дуели во кои забележавме реми (1994) и пораз (1995).