Влаховиќ од пенал го спаси Јувентус од пораз против Венеција (ВИДЕО)

14 декември 2024 - 22:45

Јувентус се спаси од пораз против Венеција (2-2) во 16. коло од Серија А, откако стрелец на голот за реми беше Душан Влаховиќ од пенал во 95. минута.

Гати по само 19 минути ја затресе мрежата на Венеција за предност од 1-0, по што ВАР му поништи гол на Јувентус во 49. минута поради игра со рака.

Елертсон потоа погоди за 1-1 во 61. минута, а во финишот стрелаше и Идзес за целосен пресврт (2-1).

„Старата дама“ се бореше да избегне пораз и конечно успеа во тоа, откако Влаховиќ беше прецизен од белата точка во 95. минута.

Јувентус се наоѓа на шестата позиција во Серија А со 28 бодови, односно девет помалку од лидерот Аталанта.