Вилјареал со два гола го „потопи“ Лас Палмас

08 февруари 2025 - 20:35

Вилјареал ја запиша третата победа на последните четири меча во Ла Лига, откако вечерва беше подобар од Лас Палмас со 2-1 во 23. коло од првенството.

„Жолтата подморница“ поведе со голот на Баена во 53. минута, а набрзо во листата на стрелци се запиша и Перез за предност од 2-0.

Лас Палмас успеа во 84. минута да намали на 1-2, меѓутоа домаќините немаа сила и за втор гол, па така Вилјареал ги освои бодовите.

Вилјареал се наоѓа на петтата позиција со 40 бодови, додека Лас Палмас е на 15. место со 23 поени.