Уго Лорис на чекор да го засили Лацио

16 август 2023 - 17:35

Доскорешната француска „единица“ Уго Лорис, кој по Мундијалот во Катар реши да замине во репрезентативна пензија по 13 години на голот на „триколорите“ е на чекор да дојде во римски Лацио како засилување за новата сезона.

Лорис според последните информации од Чизмата е во завршни преговори за трансгфер од лондонски Тотнем во Лацио, кој во меѓувреме го пушти Луис Максимилијано во Алмерија.

Лондончани веќе му дале ветување и „зелено светло“ на својот долгогодишен голнман за да си замине и сега само ситни детали кои треба да се разрешат го делат од официјална промоција на „Олимпико“.

Според најавите Лорис ќе потпише двегодишен договор и ќе му биде конкурент на Иван Поведел на голот на лацијалите.